“Lester” klubi va Jazoir terma jamoasi yarim himoyachisi Riyod Mahrez Angliya professional futbolchilar uyushmasi (PFA) tomonidan APLning mavsumdagi eng yaxshi futbolchisi deb topilganidan so'ng o'z fikrlari bilan o'rtoqlashdi. “Ushbu mavsumdagi ishtirokimni futbolchilar e'tirof etib, APLning eng yaxshi futbolchisi deb topishganidan xursandman. Ammo “Lester”dagi sheriklarimsiz bunday mukofotga sazovor bo'lolmas edim. Biz maydonda xuddi aka-ukalardekmiz. “Lester”ning muvaffaqiyat siri shundaki, bu erda birdamlik bor va jamoaning maqsadi uchun hamma o'z jonini jabborga berishga tayyor”, – deydi Mahrez. Ta'kidlab o'tamiz, APLda joriy yilning eng yaxshi yosh futbolchisi nomiga “Tottenxem” yarim himoyachisi Dele Alli loyiq deb topildi. 
— deya xabar beradi uff.uz nashri.