Bugungi kunda mashhurlik darajasiga ko'tarilgan futbol yulduzlarining ota-onalari kim bo'lgan? Biz izlanishlarimiz mobaynida bir qator futbolchilarning ota-onalari haqida ma'lumot to'pladik. Ajab emas bu kimlarnidir qiziqtirib qolsa.
Italiya terma jamoasi va «Yuventus» klubi golkiperi Jan Luidji Buffon sportchilar oilasida tavallud topgan. Onasi - Mariya Stella Italiyaning eng taniqli engil atletikochilaridan biri bo'lib, yadro uloqtirishda faoliyat yuritgan. Otasi ham engil atketikachi bo'lib, yuqori natijalarga erishgan. Ikki opasi - Gvandolina va Veronika professional voleybolchi bo'lishgan. Buvasi Lorentso Buffon futbolchi bo'lib, Italiya terma jamoasi sharafini himoya qilgan, amakisi Dante Mazokko esa basketbolchi edi. Xullas Buffon doim sport muhitida yashagan.
Kamerun terma jamoasi va «Everton» klubi hujumchisi Samuel Eto’Oning otasi David, onasi Kristin. Ikki ukasi David va Eten Eto’Olar ham professional futbolchilardir.
Gollandiyalik Uesli Sneyderning otasi Jeffri futbolchi bo'lgan. U Gollandiya 2-ligasining «Stormvogels Telstar» klubida to'p surgan. Ukasi ham kelajakda mashhur futbolchi bo'lish orzusida.
Xohlagan uslubda gol ura oladigan Zlatan Ibragimovichning otasi Shefik bosniyalik musulmon, onasi Yurka esa bosniyalik xorvatdir. Ular Shvetsiyaga kelib tanishishgan va oila qurishgan. Oilada 3 o'g'il va 1 ta qiz edi. Sapko, Zlatan, Aleksandr hamda Sanela. Ular orasida aynan 2-farzandlari futbolni tanlaydi va ularni butun dunyoga mashhur qiladi.
Davomi Furqat Yusupov blogida.
— deya xabar beradi uff.uz nashri.