Turinning “Yuventus” jamoasi Italiya chempionati yakunlanishiga uch tur qolganbda chempion bo'ldi. “Roma” o'z maydonida “Napoli”ni 1:0 hisobiga uchratganidan so'ng turinliklar muddatidan avval chempionlikni rasmiylashtirdi. 35-turdan so'ng “Yuventus” hisobida 85 ochko, ikkinchi o'rinda borayotgan “Napoli”da esa 73 ochko mavjud. Mazkur Skudetto “keksa sinora” uchun qatorasiga beshinchisi va umumiy hisobda 34-si bo'ldi. Massimiliano Allegri shogirdlari mamlakat chempionati doirasida “Karpi”, “Verona” va “Sampdoriya”ga qarshi o'ynaydi. Endi ushbu o'yinlar hech qanday ahamiyatga ega bo'lmaydi. Eslatib o'tamiz, “Yuventus” 21 may kuni “Milan” bilan Italiya Kubogida to'qnash keladi. 
— deya xabar beradi uff.uz nashri.