Oliy Liga 6-turidan o'rin olgan “Paxtakor” – “Metallurg” (2:1) o'yindan keyingi matbuot anjumanida “sherlar” murabbiyi Grigoriy Kolosovskiy o'yin haqida o'z fikrlarini bildirib o'tdi. “O'yin har ikkala jamoa uchun qiyin kechdi. Zich taqvim bizning o'yinimizga o'z ta'sirini ko'rsatmoqda. Bugungi g'alaba juda katta mehnat evaziga qo'lga kiritildi. Shu bilan birga, "Paxtakor" haqli g'alabani qo'lga kiritdi. Kamoliddin Tojiev "Bunyodkor"ga qarshi o'yinni o'tkazib yuboradi. Bu jamoamiz uchun yo'qotish, ammo futbolda almashtirib bo'lmas futbolchilar bo'lmaydi. Uning o'rnini to'ldirishga harakat qilamiz. Bugungi g'alabada Tojievning xizmati juda katta bo'ldi. Masharipovning zaxirada qoldirilgani zich taqvim bilan bog'liq. Unda jarohat yo'q edi", – dedi Grigoriy Kolosovskiy. 
— deya xabar beradi uff.uz nashri.