"Bayer" klubi darvozaboni Bernd Leno faoliyatini Angliyada davom ettirishi mumkin. Bu haqida Sport1.de portali xabar tarqatdi. Manbada aytilishicha, 24 yoshli germaniyalik futbolchining xizmatlariga Londonning "Tottenxem" klubi jiddiy tarzda qiziqish bildirmoqda. Tomonlar amalga oshishi mumkin bo'lgan transfer borasida muzokaralarni boshlab yuborishgan. Shartnomada ko'rsatilgan tovon puli qiymati 18 million evroni tashkil qiladi. Ushbu mavsumda Leno barcha musobaqalarda 47 marta maydonga tushib, o'z darvozasidan 55ta to'p olib chiqqan.
— deya xabar beradi uff.uz nashri.