O'zbekiston birinchiligida ishtirok etayotgan Nurali Sultonov boshchiligidagi “Nasaf-2” jamoamiz 5-tur uchrashuvini safarda “Paxtakor-2” jamoasiga qarshi o'tkazadi.

O'zbekiston professional futbol ligasi tomonidan 5-tur uchrashuvlariga hakamlar tayinlandi.

Unga ko'ra, ushbu uchrashuvni farg'onalik hakam Olim To'ychiboev boshqarib boradi. Unga qanotlarda Toshkent shahridan Xusniddin Bahodirov va Dmitriy Klepikovlar yordam berishadi. Uchrashuv nazoratchisi Namangan shahridan Shuhratjon Bozorov.

O'zbekiston Birinchiligi-2016, 5-tur.
27 aprel 2016 yil. “Chilonzor” sun'iy maydoni. 16:00da “Paxtakor-2” (Toshkent) – “Nasaf-2” (Qarshi)
Hakamlar: O.To'yichiboev (Farg'ona), X.Bahoirov (Toshkent), D.Klepikov (Toshkent).
Nazoratchi: Sh.Bozorov (Namangan).

“Nasaf-2” jamoamiz o'tgan 4 uchrashuvdan so'ng 6 ochko to'plab, turnir jadvalining 8-pog'onasida bormoqda. Ular ikki uchrashuvda g'alaba va ikki uchrashuvda mag'lubiyatga uchrashgan. Raqiblar darvozasiga 4ta to'p kiritib, o'z darvozalaridan ham 4ta to'p olib chiqishgan.

“Paxtakor-2” jamoasi birinchilikda ishtirok etayotgan 18ta jamoa ichida turnir jadvalining so'nggi pog'onasini band etib turishibdi. Ular hisobida bironta ochko yo'q. O'tkazgan uch uchrashuvda ham raqibimiz mag'lubiyatga uchragan.

Uchrashuv 27 aprel chorshanba kuni Toshkent shahridagi “Chilonzor” sun'iy maydonida bo'lib o'tadi, boshlanish vaqti 16:00da.
— deya xabar beradi uff.uz nashri.