“Bavariya” jamoasi murabbiylar shtabi va muxlislari Aren Robbenning shaxsiy fizioterapevti Xub Vestxovendan xushxabar olishdi. Bild nashrining ma'lum qilishicha, Robben tez orada safga qaytadi. “Agar hammasi yaxshi bo'lsa, Robben kelasi haftada umumiy guruh bilan mashg'ulotlar o'tashni boshlaydi. U “Borussiya”ga qarshi Germaniya Kubogi finalida maydonga tushishi mumkin”, – dedi Vestxoven. Gollandiyalik yarim himoyachi “Atletiko”ga qarshi kechadigan EChL yarim final o'yinlarida “Bavariya”ga yordam bera olmaydi. “Borussiya” D klubiga qarshi Germaniya Kubogi finali 21 may kuni bo'lib o'tadi. 
— deya xabar beradi uff.uz nashri.