“Roma” klubida ijara asosida to'p surayotgan, transfer huquqi “Arsenal”ga tegishli bo'lgan darvozabon Voytsex Shchensni rimliklar safida qolish istagini bildirdi. “Men “Roma”da qolmoqchiman. Albatta, bu istagim mening o'zimga bog'liq emas. “Roma” va “Arsenal” o'zaro muzokaralar olib borayotganidan xabarim bor. Bu nima bilan yakun topishini yaqin orada bilib olamiz. Jamoaga yordam berganimdan xursandman. Keyingi maqsadimiz – “skudetto”ni qo'lga kiritish”, – deydi polshalik futbolchi. Shchensnining “Roma” bilan ijarasi mavsum yakunida o'z poyoniga etadi. Joriy mavsumda posbon Italiya A seriyasining 31 o'yinida maydonga tushib, o'z darvozasidan 31 ta gol olib chiqqan. 
— deya xabar beradi uff.uz nashri.