“Lester” jamoasi bosh murabbiyi Klaudio Raneri o'z shogirdi, Angliya professional futbolchilar uyushmasi tomonidan APLning joriy mavsumdagi eng yaxshi futbolchisi deb topilgan Riyah Mahrez haqida o'z fikrini bildirdi. “Men Mahrezdan faxrlanaman. U juda kamtar futbolchi. Riyad mendan doimo yuqori natijaga erishish uchun nima qilish kerakligini so'raydi. U haqiqiy daho. Shuningdek, jamoaning boshqa futbolchilari ham ajoyib mavsumni o'tkazyapti, deb aytishim mumkin. Ularning barchasi professional”, ­– deydi italiyalik mutaxassis. Eslatib o'tamiz, “Lester” 76 ochko bilan APL turnir jadvalida birinchi o'rinda bormoqda. “Tulkilar” qolgan uch turda 3 ochko jamg'ara olsa, Angliya chempioni bo'lishadi. 
— deya xabar beradi uff.uz nashri.