Evropa Chempionlar ligasi musobaqasining yarim finalidan o'rin olgan "Manchester Siti" hamda "Real" Madrid klublari o'rtasidagi uchrashuv nihoyasiga etdi. Unda 0:0 hisobi qayd etildi.
O'yin kutilganidek, shiddatli hujumlarga boy tarzda o'tdi. Garchi darvozalarga to'p kiritilmagan bo'lsada, uchrashuvni ko'rgan muxlislar ajoyib qarama-qarshilik guvohiga aylanishdi.
Birinchi bo'limning aksariyat qismida "shaharliklar" tashabbusni o'z qo'llarida saqlab tura olishdi. Ammo, "Real" baribir tajribaliroq ekanligini ko'rsatdi va sekin-asta o'yin tizginini o'z tarafiga og'dirishga erishdi.
Ayniqsa, ikkinchi bo'limda "Qirollik klub" ko'plab vaziyatlarni amalga oshirdi. Garet Beyl va Luka Modrichlar juda yaxshi harakat qilishdi. Bu kecha "Real" kamida to'rtta gol urishi mumkin edi, ammo Jo Xart "Siti" joniga oro kirdi. Uning birgina o'zi naq uchta golli vaziyatni qaytardi.
Krishtianu Ronaldusiz mehmonlar o'z o'yinlarini namoyish etishdi. Endi barchasi javob uchrashuviga qoldi.
"Santyago Bernabeu"da "Manchester Siti"ga oson bo'lmasligi aniq.
Chempionlar ligasi, yarim final  
Manchester Siti Angliya – Real Madrid Ispaniya 0:0
Manchester Siti – Xart, Kompani, Klishi, Sanya, Otamendi, Fernando, Fernandino, Silva (Ixeanacho, 40), Navas (Sterling, 77), de Bryuyne, Aguero.
Real Madrid – Navas, Pepe, Marselo, Karvaxal, Ramos, Modrich, Kazemiro, Beyl, Kroos (Isko, 89), Vaskes, Benzema (Xese, 46).
Ogohlantirishlar: Pepe (24), Silva (37).
— deya xabar beradi uff.uz nashri.