Madridning “Real” jamoasi yarim himoyachisi Toni Kroos “Manchester Siti”ga qarshi (0:0) EChL yarim final dastlabki o'yinidan so'ng o'z fikrlari bilan o'rtoqlashdi. “Himoyada yaxshi o'ynadik, hujumda esa ko'plab vaziyatlar yarata oldik. Lekin ikkinchi bo'limdagi o'yinimiz menga yoqmadi, biz gol urishimiz kerak edi. “Real” favorit bo'lib qoladimi? Bilmadim, muhimi bu emas. Asosiysi g'alaba qozonish. Chunki zafar quchgan jamoa finalga yo'llanma oladi”, – deydi germaniyalik futbolchi. “Real” – “Manchester Siti” javob o'yini 4 may kuni Madrid shahrida bo'lib o'tadi. 
— deya xabar beradi uff.uz nashri.