So'nggi tur o'yinlari jamoamiz uchun omadsiz kechdi. Oldinda esa bizni yana bir muhim uchrashuv kutib turibdi. 30 aprel kuni “Qo'qon-1912” jamoasi mehmonda “Metallurg”ga qarshi bahs olib boradi.  Kecha jamoamiz a'zolari ushbu o'yinga tayyorgarlikni boshlab yuborishdi. “Markaziy” o'yingohda bo'lgan mashg'ulotlarni, jismoniy tayyorgarlik bo'yicha murabbiy Sergey Kovshov hamda katta murabbiy Muhsin Nizomiddinovlar olib borishdi. Bosh murabbiy Murod Ismoilov terma jamoa murabbiylarining klublar bosh murabbiylari bilan uchrashuvida ishtirok etish uchun Toshkent shahriga ketgan uchun mashg'ulotda ishtirok eta olmadi. Bugundan mashg'ulotlarda bosh murabbiyning o'zi ham qatnashadi.
— deya xabar beradi uff.uz nashri.