"Manchester Siti" bosh murabbiyi Manuel Pellegrini yarim himoyachi David Silva Chempionlar ligasi yarim finalida "Real"ga qarshi kechadigan javob o'yinida maydonga tusha olmasligini aytib o'tdi.
"David Silva jarohat olib maydondan chiqib ketmagunga qadar biz maydonda ijodkorlik namoyish etayotgan edi. Ammo majburiy almashtirishdan so'ng o'yinimiz biroz o'xshamay qoldi.
"Real" u qadar tez o'ynamasligini bilardik va shu sababli imkon qadar ko'proq bosim o'tkazishga urindik. Ammo to'pni raqib darvozasi yoniga qadar olib bora olmadik. Gol ura olmadik.
Javob o'yinida ham xuddi uydagi kabi uslubda to'p suramiz. Albatta "Real" sal ko'proq hujum qiladi. Ammo hech narsa o'zgargani yo'q.
Silva sonining orqa qismidan jarohat olgan va javob o'yinida maydonga tusha olmaydi", - deydi Pellegrini.
— deya xabar beradi uff.uz nashri.