Italiyaning “Milan” klubi aktsiyalarini Silvio Berluskonidan sotib olmoqchi bo'lgan insonning ismi ma'lum bo'ldi. La Repubblica nashrining xabar qilishicha, gap Xitoyning eng boy tadbirkori – Jek Ma haqida bormoqda. Ma Alibaba kompaniyasining asoschisi hamda “Guanchjou Evergrand” klubi hissadori hisoblanadi. Xitoylik tadbirkor “Milan” klubini sotib olmoqchi bo'lgan sarmoyadorlar guruhi rahbari hamdir. Ma'lum bo'lishicha, tomonlar yozda bitim tuzishadi. Shundan so'ng, klubning yangi strategiyasi tuzilib, yangi stadion qurish ustida ish olib boriladi. Forbes jurnalining hisob kitobiga ko'ra, Jek Ma dunyodagi eng boy insonlar ro'yxatida 18-o'rinda bormoqda. 
— deya xabar beradi uff.uz nashri.