“Atletiko” va “Barselona” klublari o'rtasidagi Evropa Chempionlar ligasi 1/4 final javob uchrashuvini boshqarib borgan italiyalik hakam Nikola Ritstsoli o'yinning so'nggi daqiqalarida “Barselona” foydasiga penalti belgilamagani xato ekanini tan oldi. “Himoyachining oyog'i jarima maydonchasi tashqarisida turgani uchun ushbu vaziyatda ikkilandim. Agar futbolda texnologiyalardan foydalanish mumkin bo'lganida, bunday xatolik bo'lmasdi. Futbolda deyarli barchasi soniyalarda ham bo'ladi. Maxsus texnologiyalik bo'lsa, har bir futbolchining harakatiga aniq baho berish mumkin bo'lardi. 93-daqiqaga qadar o'yinni bexato boshqardik. Yagona xato ishimizga bo'lgan bahoni pasaytirdi”, – deydi Ritstsoli. Eslatib o'atmiz, “Atletiko” – “Barselona” o'rtasidagi javob o'yini “matraschilar”ning 2:0 hisobidagi g'alabasi bilan yakun topgandi. Agar penalti belgilanib, kataloniyaliklar undan unumli foydalanganida, ikki o'yin natijasiga ko'ra qo'shimcha taymlar o'ynalar edi. 
— deya xabar beradi uff.uz nashri.