“Manchester Yunayted” afsonasi Rayan Giggz yaqinda futbolchilik faoliyatini yakunlab,  qisqa vaqt “qizil iblislar” bosh murabbiyi bo'ldi.  Ayni paytda u klubda Van Gaalga yordamchilik qilayotganidan xabaringiz bor.  Biz Uelslik daho haqidagi eng sara fikrlarni jamladik va uni sizning e'tiboringizga xavola etmoqchimiz.
 
Li Jonson (Rayan Giggzning otasi)
- O'g'limni “Siti”dagilar ham sinab ko'rishgan.  Men ular huzuriga borib so'radim:  “Sizlar Rayanga yaxshi imkoniyat berdingiz.  Biroq “Yunayted” vakillari uning maktab formasiga ketadigan harajatlarni ham o'z zimmalariga olishmoqchi.  Sizlar ham shunday qila olasizlarmi? Ular “Yo'q”,  deb javob berishdi.  Bu tarixiy xato edi.
 
Erik Xarrison (“Manchester Yunayted” yoshlar jamoasining sobiq murabbiyi)
- Giggzdek nafis harakat qiladigan futbolchini shu paytgacha uchratmaganman.  Ko'pincha unga “Seni yoshlar jamoasidan hech qaerga qo'yib yubormayman”,  deya xazillashardim.   Ammo o'zim uning tezroq asosiy tarkibga kirishini orzu qilardim.  Yoshlik paytlarida Rayan to'pni egallab olgach,  bor yo'g'i 2 ta variantdan foydalanardi.  3-4 raqibini ortda qoldirib,  to'pni jamoadoshiga oshirar yoki darvozaga yo'llardi.  Vaqtlar o'tib uning miyasi oyoqlariga qaraganda tezroq ishlaydigan bo'ldi.
 
Brayan Robson (“Manchester Yunayted”ning sobiq sardori)
- Yodimda Giggz “MYu” tarkibidagi debyutini nishonlaganidan keyin yonimga kelib,  klubdan shaxsiy mashina so'rashini aytdi.  Biroq murabbiy xonasiga kirgach,  2 daqiqadan so'ng “boss”ning shiddatli baqirig'i eshitildi:  “Toki haqiqiy futbolchiga aylanmas ekansan,  ko'zimga ko'rinma! ” Biroq uni ilk bora ko'rganimda 15 yoshli ko'rimsiz,  ozg'in bolakay raqiblarini bepisandlik bilan aldab o'tib,  to'pni darvozaga joylab qo'yganida,  uning Xudo bergan iqtidor sohibi ekanligiga ishonch hosil qilganman.
 
Ser Aleks Fergyuson (“Manchester Yunayted” sobiq bosh murabbiyi)
- Giggz – mantiqning barcha mezonlarini inkor etadigan noyob iqtidor sohibi.  Qayd etgan natijalariga hech kim erisha olmaydi.  Rayan – o'ta g'aroyib shaxs!  Hozircha unga bir narsa – ser unvoni kamlik qilayapti.  Men o'yin qaydnomasida “ser Rayan Giggz” yozuvi paydo bo'lishini juda istagandim.
 
Li Jonson (Rayan Giggzning otasi)
Li Sharpning uyida uyushtirilgan mashhur bazm hamon yodimda.  O'shanda murabbiyning taqiqlashiga  qaramasdan,  o'g'lim o'z jamoadoshi bilan ko'ngilxushlik qilishga axd qilgandi.  Tabiiyki,  men bu haqda Fergyusonga xabar berdim.  Chunki o'g'limning intizomsizlik qilishiga qarshi edim.  O'sha oqshom ser Aleks Prestonga nufuzli mehmonlar bilan uchrashish uchun borishi lozim edi.  Ammo u mening “signal”imdan keyin safardan voz kechib,  Sharpning uyiga yo'l oldi.  Tabiiyki,  murabbiy barcha mehmonlarni quvib yuborib,  futbolchilar ta'zirini bergandi”.
 
Kevin Retkliff (Uels terma jamoasi va “Everton” klubi sobiq sardori)
- Bir safar o'yindan keyin TVga bergan intervyuimda shunday dedim:  “Hech bo'lmaganda qachondir o'z farzandlarimga Rayan Giggz bilan bitta jamoada to'p surganman,  deb maqtanishga haqliman! ” So'zlarim mubolag'a emasdi.  Chunki Rayanning buyuk futbolchiga aylanishi aniq edi.  Mashg'ulot paytida undan uzoqroq bo'lishga intilardim.  Nimaga? Chunki u bilan srintda bellashishdan cho'chirdim.  Aslida mening tezligim ham chakki emasdi.  Biroq faoliyatim oxirlab qolgandi.  Rayan esa milliy termaning haqiqiy etakchisiga aylangan edi.
 
Devid Bekxem (“Manchester Yunayted” sobi q futbolchisi)
- Giggzda yaxshi murabbiyning barcha hislatlari bor.  "Manchester Yunayted" ishqibozlari shunaqa murabbiy bilan faxrlanib yurishadi.  Qachon jamoani qabul qilib oladi,  bunisining ahamiyati yo'q.  Besh yildan keyinmi yoki o'n yildan keyin?
Davomi Furqat Yusupov blogida.
— deya xabar beradi uff.uz nashri.