Frantsiya chempionatining 2015/16 yilgi mavsumdagi eng yaxshi futbolchisi mukofotiga nomzodlar nomi ma'lum bo'ldi. Unga ko'ra, “Marsel” yarim himoyachisi Lassana Diarra, “PSJ” a'zolari Zlatan Ibrohimovich va Anxel Di Mariya hamda “Nitstsa” hujumchisi Xatem Ben Arfa mavsumning eng yaxshi futbolchisi bo'lishga nomzod. Ibrohimovich 2013 va 2014 yillarda ushbu mukofotni qo'lga kiritgandi. 2015 yilda esa  “Lion” hujumchisi Aleksandr Lyakazett ushbu nomga sazovor bo'lgan. Eng yaxshi murabbiy nomiga Loran Blan (“PSJ”), Klod Pyuel (“Nitstsa”), Stefan Mulen (“Anje”) va “Terri” Lore (“Gazelek Ayachcho”) da'vogarlik qiladi.  Mavsumning eng yaxshilarini aniqlash marosimi 8 may kuni bo'lib o'tadi. 
— deya xabar beradi uff.uz nashri.