Kecha futbol yulduzlarining ota-onalari kim bo'lgan? Nomli maqola ko'pchilikka ma'qul bo'lgani uchun, bugun uning davomini ham sizga havola qilamiz.
Boyvachcha insonlarning o'g'lidan kuchli futbolchi chiqmaydi deganlarga Pike qarshi chiqadi. Xerard ziyoli oilada tug'ilgan. Otasi advokat, onasi tibbiyot markazi direktori edi. Buvasi Amador Bernabeu «Barselona» sobiq vitse-prezidenti hisoblanadi. Himoyachi kelajakda «Barselona» prezidenti bo'lish niyati ekanligini hech qachon yashirmagan.
5 marta dunyoning eng yaxshi darvozaboni bo'lgan Ispaniyalik Iker Kasilyasning otasi Xose Luis professor ilmiy unvoniga ega bo'lib, ta'lim vazirligida ishlardi. Onasi Mariya Karmen Fernandes uy bekasi edi. Ikerning ukasi ham bor ismi Unay.
Urugvaylik hujumchi Luis Suaresning ota-onasi 7 yoshida ajrashishdi va 7 farzand ichida 4-bo'lgan Luis akalari qatorida ro'zg'or tebratishiga yordam berardi. Suares bolaligida qiyinchilik ko'rgan bo'lsa, uning oilasi endilikda farovonlikda hayot kechirmoqda. Bunda Luisning hissa ko'proq albatta.
2007 yilgi «Oltin to'p» sohibi bo'lgan braziliyalik Kakaning otasi – injener, onasi – o'qituvchi bo'lib ishlagan. Kaka bolaligida qiyinchilik ko'rmay o'sishida ota-onasining ho'rni baland.
Bavariya»ga o'tib ketgan Xabi Alonsaning otasi Periko Alonso professional futbolchi bo'lib, Ispaniya terma jamoasi safida 20 o'yin o'tkazgan. «Real Sosedad» klubi tarkibida 1980 va 1981 yillarda hamda «Barselona» safida 1985 yilda Ispaniya chempioni bo'lgan. Onasi Isabel Olano Orendayn uy bekasi bo'lgan. Akasi Mikel Alonso ham futbolchi bo'lib, «Tenerife» jamoasida to'p surdi. Ukasi Xon Alonso esa futbol hakami sifatida faoliyat yuritgan. Alonsalar futbolchilar oilasi. Balki kelajakda Xabining farzandlari ham millionlar o'yinini o'zlariga kasb qilib olishsa ajab emas.
Davomi Furqat Yusupov blogida.
— deya xabar beradi uff.uz nashri.