Huquqiy jihatdan “Real“ga tegishli "Monako" klubi himoyachisi Fabiu Koentrau "Benfika" jamoasiga qaytishi mumkin. Bu haqida A Bola nashri xabar tarqatdi. Manbada aytilishicha, madridliklar futbolchining xizmatlariga muhtoj emaslar va "Benfika" rahbariyati bundan unumli foydalanib, yozda Koentrauni o'z safiga qo'shib olmoqchi. Aytish joiz, o'yiinchi ushbu mavsum davomida bir necha jiddiy jarohatlar orttirib oldi va ayni damda navbatdagi jarohatdan so'ng tiklanishda davom etmoqda. Eslatib o'tamiz, "Real" 2011 yili Koentrauni 30 million evroga aynan "Benfika"dan sotib olgandi.
— deya xabar beradi uff.uz nashri.