1news.uz —  O'zbekiston milliy terma jamoasi bosh murabbiyi Samvel Babayan  Jahon chempionati 2018 saralashining uchinchi bosqichi uchun qur'a natijalari va ushbu bosqich borasidagi fikrlari bilan  o'rtoqlashar ekan, O'zbekiston futbol federatsiyasi tomonidan jamoa hech narsaga muhtoj bo'lmasligi uchun, kerakli barcha sharoitlar yaratib berilayotganligini alohida ta'kidladi.
Saralash bosqichi guruhdagi asosiy raqiblarimizdan biri bo'lgan Eron terma jamoasida esa bu borada ma'lum bir muammolar borligi oshkor qilindi. Bu haqda Eron terma jamoasi murabbiyi Karlush Keyrush jurnalistlarga bayonot berdi. Uning aytishicha, bosh murabbiy lavozimida ortiq ishlolmaydi, negaki yaratilgan sharoit keskin tanqiddan boshqaga yaramaydi.
– Bunday sharoitda ishlashning imkoni yo'q – oylik maosh to'lanayotgani yo'q, jamoaning Jahon chempionati 2018 saralash o'yinlariga tayyorgarlik ko'rish uchun mablag' ajratilmayapti. O'yinchilar ham pulsiz o'tirishibdi. Va'dalarning vaqti o'tdi. Vaziyat bir yil, ikki va besh yil avval qanday bo'lsa, shundayligicha qolmoqda. Bu ketishda lavozimimdan ketishim tayin. Faqat hukumatning aniq harakatlarigina vaziyatni o'zgartirishi mumkin, – deydi portugaliyalik mutaxassis A Bola nashriga  bergan intervyusida.
Davomi 1News.Uz blogida.
— deya xabar beradi uff.uz nashri.