“Tottenxem” jamoasi yarim himoyachisi Dele Alli “Vest Bromvich”ga qarshi (1:1) Angliya chempionati 35-turida sportga xos bo'lmagan xatti-harakati uchun 3 o'yinga, ya'ni, joriy mavsum yakuniga qadar diskvalifikatsiya qilindi. 20 yoshli futbolchi “Vest Bromvich” yarim himoyachisi Klaudio Yakobning qorin qismiga mushti bilan zarba bergandi. Angliya futbol uyushmasi ushbu holatni o'rganib, uni 3 o'yinga diskvalifikatsiya qilishga qaror qildi. Eslatib o'tamiz, bir necha kun avval Alli 2015/16 yilgi mavsumning eng yaxshi yosh futbolchisi deb topilgan edi. 
— deya xabar beradi uff.uz nashri.