"Nasaf" va "Andijon" o'rtasida kechgan uchrashuvdan keyin (3:0) tashkil etilgan matbuot anjumaninig ikkinchi qismida “Nasaf” jamoasining bosh murabbiy Ro'ziqul Berdiev ishtirok etdi va o'yin haqidagi fikrlari bilan o'rtoqlashdi.
-Muxlislarimizni bugungi g'alaba bilan tabriklayman. O'yinga keladigan bo'lsak, birinchi bo'limda “Andijon” jamoasining murabbiylari tomonidan ishlab chiqilgan taktika o'zini oqladi. Bu rejani buzish uchun biz gol urishimiz kerak edi. Hisobni ochganimizdan so'ng, ko'rdinglar yana ikki marta gol kiritdik.
 
Bugungi uchrashuvning ikkinchi bo'limida maydonga tushgan Islom Rashidxonovni ko'rsatgan o'yinini ta'kidlamoqchiman. U bugun haqiqatan jamoamiz o'yinini kuchaytirdi. O'ylaymanki, bugungi g'alaba yigitlarimizga OChL o'yini oldidan katta ruhiy dalda bo'ladi.
 
Deyan Bolevichda o'yin amaliyoti kam bo'lsada, uchrashuvda o'zini ko'rsatishga xarakat qildi. O'ylaymanki uning bugungi ko'rsatgan o'yini ham muxlislarda yaxshi taasurot qoldirdi. U bugun g'alabaga hissa qo'shish va muxlislar mehrini qozonish uchun astoydil o'ynadi. Saydullo Rahmatovni bugun chap qanot yarim himoyasida o'ynatdik, ammo bu biz kutgandek natija bermadi.
— deya xabar beradi uff.uz nashri.