"Lion" yarim himoyachisi Mate Valbuena navbatdagi marta mojaro markazida qoldi.
Frantsiya chempionati 35 turi doirasida "Tuluza"ga qarshi kechgan o'yin oldidan (3:2) Valbuena Tuluza shahri aeroportida "Lion"ni kutib olish uchun chiqqan muxlislardan biriga hujum qilgan va telefonini tortib olib, sindirgan. 38 yoshli Yussef aeroportda o'g'liga Valbuenani ko'rsatgan va "Mana shu futbolchi tufayli Benzema Evropa chempionatida o'ynay olmaydi", degan. Bu gapni eshitib qolgan Valbuena Yussefdan telefonini tortib olgan va erga urib sindirgan.
Bu haqida Yussefning o'zi shunday deydi:
"Balki men noto'g'ri ish qilgandirman, ammo Valbuena ham o'zini nazorat qila olmay qoldi. U mashhur inson va bunday ish qilmasligi kerak edi.
U menga xuddi itdek tashlandi. Mening jussam unikidan kichikroq va unga kuchim etmaydi. Bundan juda hayron qoldim va haligacha uyqum o'chib ketyapti. Vrach menga depressiyaga qarshi dori yozib bergan", - deydi muxlis.
— deya xabar beradi uff.uz nashri.