Daniel Starridj (“Liverpul”)
Jarohatlar soni: 27 ta
Ushbu ro'yxatni Daniel Starridj ochib berganiga barcha shubha bilan qarashi muqarrar, ayniqsa tinib-tinchimas “Liverpul” muxlislari. Sababi u barchaning nazdida APL ning eng “sinuvchan” futbolchisi ekanligiga ishonchimiz komil. Ammo, mana qarangki, u “jarohatlar qiroli” ro'yxatimizda so'nggi o'rinni egallaydi. Daniel so'zsiz o'ta iqtidorli, sovuqqon va mohir hujumchidir va o'z navbatida “sinuvchan” ham. Forvard bir mavsum davomida 20-30 marotaba raqiblar darvozasini ishg'ol qilishi ham mumkin, lekin jarohat borasida u eng omadsiz futbolchilardan biridir. O'tgan yil apreldan sentyabrgacha u maydondan tashqarida bo'lgan. Undan tashqari mavsumning turli pallalarida kichik jarohatlar olib, uzoq muddat jamoasiga yordam bera olmagan. Danielga “Liverpul” safida 100 gol mavqeyiga etib borishiga umid qilamiz. Ammo, ushbu marraga etish uchun snayper jarohatlarsiz umr kechirishi lozim.
Vensan Kompani (“Manchester Siti”)
Jarohatlar soni: 29 ta
“Omadsiz ro'yxat”dan joy olish uchun Dembele, Djons, Aguero, Uelbek, Uolkot kabi ko'plab futbolchilar nomzodlik qilishgan, lekin so'nggi yillar ichida belgiyalik qo'rg'on deyarli 30 marotaba jarohat alamini totib ko'rgan. Futbolchiga bo'g'imlarning shikastlanishi va shu kabi turli jarohatlar maydonda etarlicha vaqt o'tkazishiga imkon bermayapti. Klubda sifatli himoyachi sotib olish uchun albatta mablag' topiladi. Demikelis qo'rg'onda bosh rolni ijro etayotgan bo'lsa, Kompani doimo “Siti” muxlislari tomonidan aniq eslanadi. Biroq Belgiya termasi a'zosi 30 yoshni qarshi oldi va Xosepning standatlariga qiyo boqsak, Vensan kelasi mavsumda Yaxyo Ture bilan birgalikda ispanning e'tiboridan chetda qolib ketishi ham ehtimoldan holi emas.
Samir Nasri (“Manchester Siti”)
Jarohatlar soni: 29 ta
Yana bir g'oya mavjud. Agarda “Arsenal”da to'p sursang, jarohatlarsiz o'ynash o'ta mushkuldir. Va lekin Venger jamoasini tark etadigan bo'lsang, yangi joyda o'zingni ko'rsata olishing kafolatlanmagan. Jarohatlar ham ortingdan eshik qoqib keladi. Frantsuz xavbekda burungi mavsumning o'zida 8 jarohat va kasallik kuzatilgan. Va hattoki, uzoq muddatli davolanishdan mashg'ulotlarga qaytish chog'ida yana bir marotaba kasalxonadan joy oldi. Bir necha kun oldin Samir rasman safga qaytgani ma'lum bo'ldi. Ammo, jarohatlarning umumiy soni va har xilligi – pay va tizza jarohati, bo'g'imlarining cho'zilishi va tizza osti paylari jarohati va yana bir qancha jarohatlar Samirni reytingimizning ishtirokchisi qilib qo'yishi muqarrar edi. Samirga omad kulib boqmayapti. Balki Gvardiola qo'l ostida umuman o'zgacha o'ynab ketar? Buni albatta vaqt ko'rsatadi.
Davomi Penalti.uz blogida.
— deya xabar beradi uff.uz nashri.