Londonning «Arsenal» klubi bosh murabbiyi Arsen Venger muxlislar tomonidan qilinayotgan tanqidga javob berdi. Eslatib o'tamiz, londonlik muxlislar Vengerdan jamoadan ketishini talab qilmoqdalar.
"Umid qilamanki men ketgach «Arsenal» faqat kuchayib boradi va EChL hamda Premer-ligada mudom g'alaba qozonadi. Men esa eng ashaddiy muxlis sifatida tribunada o'tiraman. Chunki klub ravnaqiga etarlicha hissa qo'shganman.
Bir narsani unutmasligingizni so'rayman, «Arsenal» besh-olti yil muqaddam og'ir moliyaviy holatda edi. O'sha yillarda yangi stadion qurildi va klub qarz bo'lib qoldi. Biz besh yil davomida EChLda kamida uch mavsum o'ynashimiz va stadionga muxlislar tashrifini kamida 54 ming kishilik ko'rinishda ushlab turishimiz lozim bo'lgandi. Shu bilan birga mudom eng yaxshi futbolchilarni sotib, jon saqlashga majbur bo'ldik.
Va biz besh yil davomida uch emas, balki to'liq besh mavsum EChLda o'ynadik", - deydi Venger.
Eslatib o'tamiz, Arsen Venger «Arsenal»ni 1996 yildan buyon boshqarib kelmoqda.
— deya xabar beradi uff.uz nashri.