Birinchi Liga 6-turi doirasida Samarqandning «Dinamo» jamoasi Nukusda «Orol» klubi mehmoni bo'ladi. Ushbu bahs oldidan jamoa bosh menejeri Ilhom Sharipov fikrlari bilan qiziqdik.

«O'tgan turda «Xorazm»ga qarshi o'tgan uchrashuvdagi g'alaba jamoamiz kayfiyatini ko'tarib yubordi. Yigitlarda maydonga tushish va g'alaba ishtiyoqi kuchli» - deya gap boshladi «Dinamo» ustozi.

«Raqibimiz «Orol» jamoasi o'tgan turda «Zomin» klubi ustidan o'z maydonida 5:2 hisobidagi g'alabaga erishgani Nukus klubi futbolchilarining bizga qarshi yuqori kayfiyat va bosimsiz to'p surishlarini ta'minlaydi. Qolaversa, «Orol»ga qarshi safarda to'p surish ko'pchilik jamoalar uchun qiyin. Sababi, «Orol» Nukusda sun'iy qoplamali maydonda to'p suradi. Biz joriy mavsumda faqat tabiiy maydonlarda tayyorgarlik ko'rgan edik. Sun'iy qoplamada o'ynashimiz «Dinamo» uchun jiddiy sinov bo'ladi. Vazifamiz Oliy Ligaga qaytish ekan, har qanday qiyinchiliklarni engib o'tib, g'alaba qozonishimiz shart» - deydi Ilhom Sharipov o'yindan oldin.

Eslatib o'tamiz, 29 aprel, juma kuni Nukus shahrida o'tadigan «Orol» - «Dinamo» uchrashuvi soat 17:00da boshlanadi.
— deya xabar beradi uff.uz nashri.