«PSJ» rahbariyati «Barselona» yarim himoyachisi Serxio Busketsni sotib olish fikridan qaytmayapti.
Biroz vaqt muqaddam 27 yoshli futbolchi uchun parijliklar 100 million evro taklif qilgani xabar qilingan edi. O'z navbatida «Barselona» rahbariyati Busketsni sotishga qarshi emas, ammo yarim himoyachi uchun soliq qiymatidan tashqari 170 million evro talab qilingan. Soliq bilan qo'shib hisoblaganda ushbu mablag' 200 million evrodan oshib ketadi.
«Barselona» iyul oyida Buskets bilan yangi shartnoma imzolashni rejalashtirgan. Yarim himoyachi joriy mavsum Ispaniya chempionatida 32 uchrashuvda maydonga tushib, 4 ta golli uzatmani amalga oshirgan.
— deya xabar beradi uff.uz nashri.