O'zbekiston chempionati 7-turi doirasida «Bunyodkor» klubi o'z maydonida «Paxtakor»ni qabul qildi va yirik hisobda g'alabaga erishdi.
Uchrashuvda 3:0 hisobi qayd etildi. Gollarning barchasi ikkinchi bo'limda kiritildi. Avvaliga Jamshid Boltaboev qo'li bilan o'ynagan vaziyat uchun belgilangan penaltini Dostonbek Hamdamov golga aylantirgan bo'lsa, bir daqiqa o'tar-o'tmas darvozabon Ribkin xatoga yo'l qo'ygach O'rinboev to'pni uzoqdan havolatib bo'sh qolgan darvoza tomon yo'lladi. Bu vaziyatda Adnan Oraxovats to'pni bosh bilan qaytarishga bo'lgan urinishda o'z darvozasiga joylab qo'ydi.
Uchinchi gol esa 88-daqiqada Eldor Shomurodov hisobiga yozildi. Yosh hujumchi tezkor qarshi hujumdan so'ng hisobni yirik ko'rinishga keltirib qo'ydi.
Oliy liga
7-tur
«Bunyodkor» – «Paxtakor» - 3:0
Gollar: Dostonbek Hamdamov 56 (penalti), Adnan Oraxovats 57 (avtogol), Eldor Shomurodov 88
"Bunyodkor": Murod Zuxurov, Akmal Shorahmedov, Akrom Komilov, Shaker Zuagi, Javlon Ibrohimov, Sato Minori, Eldor Shomurodov, Doston Hamdamov, Zabihillo O'rinboev, Rustam Ashurmatov, Yuritsa Bulyat.
"Paxtakor": Nikita Ribkin,  Adnan Oraxovats, Akbar Ismatullaev, Sherzod Karimov, Jaloliddin Masharipov , Igor Sergeev, Davron Hoshimov, Azim Ahmedov, Jamshid Boltaboev, Javohir Sohibov, Vladimir Kozak.
Bosh hakam: Aziz Asimiv (Toshkent)
Qanot hakamlari: Andrey Snetkov (Yangiyo'l), Andrey Tsapenko (Yangibozor)
Zaxira hakami: Ravshan Kopadze (Farg'ona)
Nazoratchi: Arslon Xotamov (Toshkent)
— deya xabar beradi uff.uz nashri.