2016 yilning 30 aprel – 7 may kunlari Portugaliyaning Funchal shahrida suzish bo'yicha paralimpiyachilar o'rtasida Evropa ochiq chempionati o'tkaziladi.
Mazkur nufuzli musobaqada dunyoning 50 davlatidan 450 nafar sportchi turli masofalarga suzish bahslarida g'oliblik uchun kurash olib boradilar.
Evropa ochiq chempionatida uch nafar mamlakatimiz paralimpiyachilari Shohsanam Toshpo'latova, Mulima Odilova va Kirill Pankov Vatanimiz sharafini himoya qiladilar.
Hamyurtlarimiz 50 m., 100 m., 200 m., 400 metr masofalarga o'tkaziladigan erkin, bras, chalqancha va batterflyay usulida suzish bahslarida sovrinli o'rinlar uchun kurash olib boradilar.
O'z oldiga doimo yuqori maqsadlarni qo'yadigan paralimpiyachilarimizga bo'lajak nufuzli musobaqada ham omad va zafarlar tilab qolamiz. Shavkat Jalilov O'zbekiston Milliy Olimpiya qo'mitasi
matbuot xizmati
— deya xabar beradi uff.uz nashri.