Kievning "Dinamo" klubi himoyachisi Aleksandr Dragovich faoliyatini Germaniyada davom ettirishi mumkin. Bu haqida Bild nashri xabar tarqatdi.
Manbada aytilishicha, Dortmundning "Borussiya" klubi 25 yoshli avstriyalik futbolchini sotib olish imkoniyatini ko'rib chiqmoqda.
Klub rahbariyati Dragovichga yozgi transferlar mavsumida katta ehtimol bilan "Bavariya"ga ravona bo'ladigan Mats Xummelsning davomchisi sifatida qaramoqda.
Ushbu mavsumda Dragovich Ukraina chempionatining 17ta o'yinida maydonga tushgan. Avvalroq, himoyachiga "Yuventus" klubi tomonidan qiziqish borligi ma'lum bo'lgandi.
— deya xabar beradi uff.uz nashri.