Ispaniya chempionati 36-turidan o'rin olgan “Real Sosedad” va “Real” Madrid o'rtasidagi uchrashuv o'z nihoyasiga etdi. Unda 0:1 hisobi qayd etilib, “qirollik klubi” foydasiga hal bo'ldi. Ronaldusiz o'ynayotgan “Real”ning o'yinida biroz susayish sezilmoqda. Ammo avvalgi turdagi singari Garet Beyl jamoasining g'alabasiga o'z hissasini qo'shdi. Uchrashuvning 80 daqiqasida uelslik futbolchining boshi bilan bergan zarbasi Ruli qo'riqlayotgan darvoza to'ridan joy oldi. So'nggi daqiqalarda basklar hisobni tenglashtirishi mumkin edi. Ammo Keylor Navas ishonchli harakat qilib, jamoasining g'alabasiga hissa qo'shdi. Uning goli yagonaligicha qoldi va “Real” 84 ochko bilan hozircha birinchi o'ringa ko'tarilib oldi. “Barselona” va “Atletiko” ushbu turda mos ravishda “Betis” va “Rayo Valekano”ga qarshi bahs olib boradi. Ispaniya chempionati, 36-tur Real Sosedad – Real Madrid 0:1
Gol: Beyl (80)
Real Sosedad – Ruli, Elustondo, Berchiche, Saldua, Gonsales, Oyarsabal, Prieto, Surutusa, Bergara (Reyes, 68), Bruma (Bautista, 76), Ilyarramendi.
Real Madrid – Navas, Varan, Nacho, Danilo, Ramos, Xames (Isko, 73), Kazemiro, Beyl, Modrich (Kovachich, 85), Vaskes, Mayoral (Xese, 65).
Ogohlantirishlar: Ilyarramendi (36), Beyl (41), Bergara (42), Prieto (48), Ramos (59), Nacho (62), Saldua (64), Modrich (75).
— deya xabar beradi uff.uz nashri.