Xames Rodriges
Ushbu kelajagi porloq yulduz “Real”ning navbatdagi yulduzli qurboni, desak xato bo'lmaydi. Kolumbiyalik pleymeyker “qirollik klubi” tarkibida kamdan-kam dastlabki daqiqalardan harakat qilmoqda. Boz ustiga, jarohatlar ham unga to'sqinlik qilyapti. “Real”dek klub uni mukammal formasini tiklab olgunicha poylab turmaydi va Xames ham doimiy o'yin amaliyotiga ega bo'lishni istaydi. Demak, ushbu yulduzni yozgi transfer oynasida biron-bir ingliz klubiga qo'shilishini kutib qolamiz.
Riyad Maxrez
Primer Ligada “mavsum futbolchisi”, sehrgarlik bobida har qanday futbolchidan o'tib tushayotgan jazoirlik vinger “Lester”ning deyarli har bir golida muhim ishtirokchiga aylanyapti va so'zsiz “tulkilar”ning etakchisi hisoblanadi. Maxrezning hisobida 16 gol va 11 gollik uzatma mavjud. Hech kimga sir bo'lmasa kerak, “Lester” 99% yaqin kunlarda APL tojini kiyadi. Va lekin yozning qaynoq pallalarida super-talantga sovchilar birin-ketin murojaat qilishadi va shundan ma'lumki, “Lester” grandlarning millionlari orasida bosh egadi.
Xatem Ben Arfa
Xatem atrofini o'rab olgan jarohatlar va omadsizlikdan iborat bo'lgan barcha to'siqlarni engib o'tdi va o'zining tajovuzkor formasini qayta tikladi. Evropa grandlari fransuzni qo'lga kiritish uchun saf tortadilar va ushbu safda “PSJ”, “Liverpul”, “Milan” va “Atletiko”lar mavjud. Ko'ramiz, uloq kimga nasib etar ekan.
 Mario Balotelli
 Afsuski, “Super-Mario” allaqachon “Super” maqomini oqlamay qo'ydi. Natijalar ham diqqatimizdan tashqarida. “Liverpul” yo'lboshchisi Klopp jamoada faqatgina mehnat qiladigan futbolchilarni sevadi. Ammo, Mario bundan mustasno. Boz ustiga, sabrsiz “Liverpul” muxlislari ham uning “Liverpul”dagi ko'rsatgan hunarlarini ijobiy baholay olishmaydi. “Milan” ham hozircha biron-bir sado chiqarmayapti. Katta ehtimol bilan Mario o'z yo'nalishini Xitoy tomoniga qaratadi.
Mishi Batshuai
 “Marsel” o'z yulduzi bilan shartnoma imzolab olganidan so'ng nihoyat engil tortgani aniq. Mishi o'zining ajoyib formasida EURO-2016 ga boradi va uni so'zsiz grandlarning skautlari kuzatadilar. Hozircha futbolchiga asosiy da'vogarlar orasida “Tottenhem”, “Yuventus”, “Atletiko” va “Liverpul” klublar mavjud.
Shkodran Mustafi
Almashtirib bo'lmas markaziy himoyachi. Ushbu ampulada hozirgi zamonda har kim ham ma'suliyatni o'z bo'yniga olaverishga bo'yin tovlay olmaydi. Mustafi “Valensiya” klubida gullab-yashnayapti va unga qiziqayotgan “Yuventus”, “Inter”, “Barselona”, “Atletiko” va “Tottenhem” kebi jamoalardan ma’lumki, futbolchi katta ehtimol bilan jamoasini o'zgartiradi.
Davomi Penalti.uz blogida.
— deya xabar beradi uff.uz nashri.