"Manchester Siti" bosh murabbiyi Manuel Pellegrini Chempionlar ligasi doirasida Madridning "Real" klubiga qarshi kechgan o'yin haqida fikrlarini bildirib o'tdi. Murabbiyning aytishicha, Krishtianu Ronaldu maydonga tusha olmagani uning uchun syurpriz bo'lmagan.
"Mening Ispaniyada juda ko'p do'stlarim bor va raqib haqida imkon qadar ma'lumot olishga harakat qilaman. "Real"ga qarshi kechgan o'yin kuni ertalabdanoq Ronaldu maydonga tusha olmasligini futbolchilarimga aytganman.
"Real" qanday ish olib borishini juda yaxshi bilaman. Balki Ronalduning jarohati u qadar jiddiy emasdir, ammo ular tavakkal qilishni istashmaydi. Chunki Krishtianu besh daqiqa o'ynab, keyin mavsum oxiriga qadar safdan chiqishi ham hech gap emas", - deydi Pellegrini.
— deya xabar beradi uff.uz nashri.