Angliya chempionatining 36-turidan o'rin olgan "Manchester Yunayted" hamda "Lester" klublari o'rtasidagi uchrashuv nihoyasiga etdi. Unda 1:1 qayd etilib, durang natija bila yakunlandi.
Dastlab, 8-daqiqada "qizil iblislar" tarkibida Marsyal hisobni ochgan bo'lsa, 17-daqiqada tinib-tinchimas "tulki" - Morgan oradagi farqni yo'qqa chiqardi.
Turning markaziy uchrashuvida ko'pchilik "Lester"ning muddatidan avval chempion bo'lishini kutgandi. Ammo, bunga Lui van Gal shogirdlari yo'l qo'yishmadi. Endi barchasi yoki keyingi turga yoki "Chelsi" - "Tottenxem" o'yiniga bog'liq. Agar "Chelsi" g'alaba qozonsa, "Lester" chempionga aylanadi.
Angliya chempionati, 36-tur
Manchester Yunayted – Lester 1:1  
Gollar: 1:0 – 8 Marsyal, 1:1 – 17 Morgan.
Manchester Yunayted – De Xea, Blind, Smolling, Roxo, Valensiya, Lingard (Mata, 62), Fellayni (Errera, 75), Kerrik, Marsyal, Runi, Reshford (Depay, 82).
Lester – Shmeyxel, Morgan, Fuks, Simpson, Xut, Drinkuoter, Kante, Marez, Shlupp (Olbrayton, 77), Okadzaki (Grey, 67), Uloa.
Ogohlantirishlar: Lingard (53), Kerrik (57), Drinkuoter (58), Runi (66).
Chetlatish: Drinkuoter (87).
— deya xabar beradi uff.uz nashri.