Italiya chempionati 36-turida “Milan” o'z maydonida autsayder jamoa “Frozinone” bilan o'zaro bahs olib bordi. Unda 3:3 hisobidagi jangovar durang qayd etildi. Uchrashuvning 2 daqiqasidayoq Paganini mehmonlarni oldinga olib chiqqan bo'lsa, birinchi bo'lim yakunida Kral “Frozinone” ustunligini oshirdi – 0:2. Ikkinchi bo'limning dastlabki daqiqalarida Mario Balotelli penaltidan unumli foydalana olmadi. 50 daqiqada Bakka hisobni qisqartirishga erishdi. O'yin anchagina qiziqarli va shiddatli ruhda o'tishda davom etdi. 54 daqiqada Dionizi hisobni 1:3 ko'rinishiga olib keldi. “Milan” taslim bo'lishni istamadi va 74 daqiqada Antonelli hisobni qisqartirdi. Uchrashuvning asosiy vaqtida qo'shib berilgan daqiqalarda Menez Balotellidan farqli o'laroq penaltini golga aylantirdi va jamoasini mag'lubiyatdan saqladi. Italiya chempionati, 36-tur Milan — Frozinone 3:3
Gollar: Bakka, 50, Antonelli, 74, Menez, 90+2 (pen) — Paganini, 2, Kral, 44, Dionizi, 54
Milan: Donnarumma — Abate (Antonelli, 73), Aleks, Romanoli, De Shilo — Kutska, Montolivo, Xose Mauri (Menez, 78) — Xonda (Adriano, 64) — Bakka, Balotelli
Frozinone: Bardi — M. Chiofani, Russo, Ayeti, Krivello (Priyma, 67) — Paganini, Gori, Sammarko, Kral (Rozi, 80) — Dionizi (Guxer, 73), D. Chiofani
Ogohlantirishlar: Balotelli, Kutska, - Sammarko, Gori, Bardi, Kral, Russo, Dionizi, Priyma
— deya xabar beradi uff.uz nashri.