“Chelsi” klubi bo'lajak bosh murabbiyi Antonio Konte darvozabon Tibo Kurtuani sotib yuborishga rozilik berdi.
Italiyalik mutaxassis “Chelsi” rahbariyatining belgiyalik posbonni 50 million funtdan kamiga bo'lmagan qiymat evaziga sotish hoyasini qo'llab-quvvatladi.
23 yoshli futbolchi joriy mavsumda londonlik klubda o'zini noqulay his qila boshlagan va Konte bilan shaxsiy suhbat paytida buni oshkor qilgan.
Bundan tashqari, “Chelsi” Chempionlar ligasiga yo'llanma olish imkoniyatidan mahrum bo'lgani ham Kurtua uchun asosiy sabablardan biri bo'lib turibdi.
Kelayotgan yozda darvozabonning xizmatlariga Madridning “Real” hamda Parijning ”PSJ” klublari da'vogarlik qilishlari kutilmoqda.
— deya xabar beradi uff.uz nashri.