Bugun Oliy Liganing 26-tur uchrashuvlari davom ettiriladi. Ushbu o'yinlarda kimning imkoniyati qanday ekanligini chamalab ko'rishga qaror qildik. Quyida tur o'yinlarga nazar tashlaymiz.
"Metallurg" - "Olmaliq"
Toshkent derbisi qiziqarli tarzda o'tishi aniq. Chunki bu jamoalar o'rtasidagi bahslarda birorta tomonning yaqqol ustunligini ko'zga tashlanmagan. Shu boisdan bahs qiziqarli o'tishi tabiiy. Aynan bu bahsda durang natija qayd etilishi taxmin qilmoqda. Ko'ramiz, konchilar derbisida kim g'alaba qozonadi ekan.
Imkoniyatlar: 50/50
"Navbahor" - "Qo'qon-1912"
Bu o'yin ham qiziqarli o'tadi. Vodiy derbilaridan biri desa bo'ladi. Namanganliklarning so'nggi turdagi ko'rsatayotgan o'yinlarida joziba etishmayapti. Klub qandaydir muammolar girdobida qolib ketayotgandek. Qolaversa, jamoa o'z maydonida ishonchli o'ynay olmoqda. Qo'qonliklar "Loko" bilan durang natija ko'rsatishganidan so'ng ancha ruhiy tomondan o'zlarini tiklab olishgan. Bu uchrashuvda mezbonlarning ustunligi taxmin qilinmoqda.
Imkoniyatlar: 60/40
"Neftchi" - "Andijon"
Bu uchrashuvda ustunlik so'zsiz farg'onaliklar tomonida. Chunki "Neftchi" yana avvalgi o'yinlarini topib oldi. Bu jamoa Andrey Fyodorovni qo'liga o'tganidan so'ng, natijalarda o'sish kuzatila boshlandi. «Andijon» o'tgan turda muvaffaqiyat qozonganiga qaramay, "Neftchi" maydonida g'alaba qozona olishiga ko'pchilik ishonmasa kerak.
Imkoniyatlar: 60/40
"Sho'rtan" - "Qizilqum"
Navoiyliklar safarda g'alaba qozona olmayapti. "Sho'rtan" esa aksincha o'z maydonida birorta raqibga bo'yin egmayapti. Shu boisdan qiziqarli va murosasi bahs bo'lishi kutilmoqda. Tabiiyki, ustunlik g'uzorliklar tomonida. Faqat buni Muhtor Qurbonov shogirdlari maydonda ko'rsatisha olishsa bo'lgani.
Imkoniyatlar: 65/35
"So'g'diyona" - "Bunyodkor"
Qarshiliklar so'nggi kunlar ichida ikki marotaba "So'g'diyona" stadionida mehmon bo'lishadi. Davron Fayziev jamoasi yaxshi o'ynamoqda. Buni inkor qilib bo'lmaydi. Ammo, natijadan darak yo'q. "Nasaf" bugungi kunda oliy ligamizning eng barqaror jamoalaridan biridir. Ro'ziqul Berdiev ajoyib jamoani shakllantira oldi. Endilikda natijalar ham shunga yarasha bo'lmoqda. Bu klub istalgan raqibni safarda bo'lsa ham, enga olish darajasiga chiqa olgan. Ushbu o'yinda qarshiliklar g'alaba qozona oladi.
Imkoniyatlar: 40/60
"Bunyodkor" - "Paxtakor"
Aftidan bu o'yin mehmonlarga ko'proq kerak. Chunki «sherlar» bu o'yinda ham g'alaba qozonsa, chempionlik uchun dadil qadam tashlagan bo'ladi. Qolgan o'yinlarda «Paxtakor»ning imkoniyatlarini ancha oshadi. «Bunyodkor» esa Toshkent derbilarida yutqazishga o'rganmagan. Shuning uchun ham osonlikcha o'yinni bergisi kelmaydi. Nima bo'lgan taqdirda ham bu o'yin qiziqarli va tomoshabinlarga manzur bo'lsa, shunisiga xursand bo'lamiz. Taxminimcha, uchrashuvda durang natija qayd etiladi.
Imkoniyatlar: 50/50



— deya xabar beradi uff.uz nashri.