«Lester» klubi yarim himoyachisi Riyad Mahrez bosh murabbiy Klaudio Ranerining o'ziga xos jihatlari haqida so'zlab berdi.
«Odatda Raneri xotirjam, o'zi ham hazillashadi va kiyinish xonasida bizga ham kulishishga imkon beradi. Murabbiy buni yoqtiradi.
Biroq Klaudio «Nyukasl» bilan o'yinning tanaffusida butunlay boshqa odamga aylandi: bizga baqirishgacha bordi.
U mashg'ulotlarda juda xushchaqchaq, biroq o'yin yaqinlashgani sayin jiddiylasha boradi. Bizdan ham o'yinda diqqat-e'tiborni yo'qotmaslikni talab qiladi.
Uning «fishkasi» – o'yindan oldin beshta so'z aytadi: «aqlli bo'ling, axir siz — tulkisiz», – dedi Mahrez.
— deya xabar beradi uff.uz nashri.