Xabaringiz bor, “Lokomotiv” 4 may kuni Osiyo chempionlar ligasining navbatdagi tur uchrashuvini o'tkazadi. BAAning “Al Nasr” klubi bilan kechadigan bahs “temiryo'lchilar” uchun muhim ahamiyatga ega.
“Lokomotiv” bu o'yinda ijobiy natija qayd etgan taqdirda keyingi bosqich masalasini hal etadi . 4 may kungi bellashuv “Bunyodkor” stadionida bo'lib o'tadi va uchrashuv soat 20:00da boshlanadi.
Ertaga, ya'ni 3 may kuni odatga ko'ra har ikkala jamoa bosh murabbiylari hamda futbolchilar ishtirokida o'yinoldi matbuot anjumani tashkil etiladi. Matbuot anjumani “Bunyodkor” stadioni konferentsiyalar zalida soat 12:00da boshlanadi. Matbuot anjumaniga kelish istagida bo'lgan OAV xodimlari stadionga 4-darvozadan kirishlari mumkin.
— deya xabar beradi uff.uz nashri.