Angliya chempionati 36-turida «Chelsi» klubi o'z maydonida «Tottenxem» bilan 2:2 hisobida durang o'ynadi. Ushbu natija o'z navbatida «Lester» klubini Angliya chempionatida g'olibga aylantirdi.
Garchi uchrashuvda «Tottenxem» birinchi bo'limda ikki gol kiritib, hisobda oldinga chiqib olgan bo'lsada, ikkinchi bo'limda Keyxill va Azarlar javob gollariga mualliflik qilib, o'yin durang bilan yakunlanishini ta'minlab berdilar.
Ushbu natija o'z navbatida «Lester»ni chempion qildi. Angliya chempionati tugashiga ikki tur qolganida «Lester» «Tottenxem»dan 7 ochkoga o'zib ketdi va muddatidan avval g'oliblikni naqd qildi. E'tiborli tomoni, Angliya chempionatida 38 yil deganda yangi jamoa chempionlikni qo'lga kiritdi. 1978 yilda «Nottingem Forest» g'olib chiqqan edi. «Lester» esa Angliya Premer ligasida chempion bo'la olgan 24-jamoa bo'ldi.
Chempionat Anglii
36-tur
Chelsi – Tottenxem 2:2 (0:2, 2:0)
Gollar: 0:1 – 35 Keyn, 0:2 – 44 Son Xin Min, 1:2 – 58 Keyxill, 2:2 – 83 Azar.
Chelsi – Begovich, Ivanovich, Keyxill, Terri, Aspilikueta, Obi Mikel, Matich (Oskar, 78), Villian, Fabregas, Pedro (Azar, 46), Diego Kosta.
Tottenxem – Loris, Uoker, Alderveyreld (Shadli, 90), Vertongen, Rouz (Devis, 82), Dayer, Dembele, Son Xin Min (Meyson, 65), Eriksen, Lamela, Keyn.
Ogohlantirishlar: Uoker (27), Vertongen (38), Villian (45), Rouz (45), Lamela (51), Eriksen (70), Ivanovich (71), Obi Mikel (87), Dayer (87), Dembele (90), Keyn (90), Meyson (90).

— deya xabar beradi uff.uz nashri.