Madridning "Real" klubi sobiq bosh murabbiyi Manuel Pellegrini madridliklar boshqaruvida ishlashdagi muammolar haqida gapirib o'tdi.
"Madridning "Real" klubini boshqarish - faxrlanish tuyg'usini beradi. Ammo "Real"da ishlaydigan odam bu shunchaki sport emas, balki siyosat ekanini tushunishi lozim bo'ladi.
Boz ustiga u erda futbolni mutlaqo tushunmaydigan odamlar bilan ishlashga to'g'ri keladi. Ular har doim sening qarorlaringga ta'sir o'tkazadilar.
Agar futbolni mutlaqo tushunmaydigan odamlarga ishingga aralashish imkonini bersang, siyosiy yoki sport nuqtai nazaridan o'z manfaatiga ega bo'lgan tanqidchilar fikriga e'tibor qaratsang, demak sen bunday ishga tayyor bo'lmaysan.
Shu tariqa men faoliyatimdagi eng og'ir sinovdan o'tishga muvaffaq bo'lganman. Bu ish meni sindirib qo'ymagan", - deydi Pellegrini.
— deya xabar beradi uff.uz nashri.