«UzReport TV» telekanali Evropa chempionlar ligasi yarim finali javob o'yinlaridan o'rin olgan uchrashuvlarni to'g'ridan-to'g'ri efirda muxlislar e'tiboriga havola qiladi.
Jumladan, 3 may seshanba kuni Myunxen shahridagi "Alyants Arena"da "Bavariya" - "Atletiko" to'qnashuvi bo'lib o'tadi.
4 may chorshanba kuni esa Madriddagi "Santyago Bernabeu" o'yingohida "Real" klubi "Manchester Siti"ni qabul qiladi.
Har ikki uchrashuv Toshkent vaqti bilan soat 23:45da boshlanadi. Ushbu o'yinlarni Davron Fayziev va Yoqubjon Bobojonov sharhlab borishadi.
Eslatib o'tamiz, o'tgan yilning 1-dekabr kunidan boshlab «UzReport TV» telekanali sun'iy yo'ldosh orqali efirga uzatila boshladi.
Endilikda sun'iy yo'ldosh orqali «UzReport TV» telekanaliga ulangan muxlislar mazkur o'yinlarni eng yuqori sifatli tasvirda tomosha qilish va o'yin zavqidan bahra olishlari mumkin bo'ladi. UzReportTV blogidan olindi.
— deya xabar beradi uff.uz nashri.