Osiyo Chempionlar ligasi guruh bosqichi so'nggi, 6-turi doirasida «Paxtakor» va «Al-Jazira» o'rtasida kechadigan uchrashuvni asosiy tarkibda boshlaydigan futbolchilar nomi ma'lum qilindi.
Ushbu sahifa orqali uchrashuv tafsilotlari bilan tanishib borishingiz mumkin.
OChL. «S» guruhi
6-tur
«Paxtakor» - «Al-Jazira» - 3:0
Gol: Suhrob Berdiev 12, Temur Tolipov 24, Masharipov 81
«Paxtakor»: Nikita Ribkin, Abbos Otaxonov, Sherzod Karimov, Suxrob Berdiev, Igor Sergeev, Jamshid Boltaboev, Kamoliddin Tojiev, Davron Hoshimov, Vladimir Kozak, Akbar Ismatullaev, Temur Tolipov.
«Al-Jazira»: Al-Senani, Tiago Neves, Park Jong Vu, Rashid Salim, Yoqub Yusuf, Al-Hashmi, Faris Juma, Musallam Fayoz, Said Xizam Mabxut, Yoqub Yusuf, Salim Ali, Kenvayn Jons.
Chetlatish: Said al Obaydi 41, Oybek Qilichev 90 1'. O'yin boshlandi. 3'. "Paxtakor" bosimni oshirmoqda. O'yindagi dastlabki burchak to'pini "sherlar" amalga oshirishdi. Samarasiz. 5'. "Al Jazira" xavfli hujum tashkil etdi. Ribkin baland sakrab xavfni bartaraf etdi. Qo'shimchasiga raqib o'yin qoidasini ham buzdi. 7'. Tashabbus biroz raqib tomoniga o'tdi. 9'. Suhrob Berdiev o'ng qanotdan jarima maydonchasiga yorib kirishga urinib ko'rdi. Uch nafar himoyachi xavfni bartaraf etdi. 11'. Sherzod Karimov chap qanotdan ikki himoyachini ketma ket aldab o'tdi. Natijada raqib qo'pollik ishlatdi. Xavfli jarima zarbasi. 12'. GOOOOOOLLLLLLLL!!!!!! 12'. Karimovning o'zi jarima zarbasin iamalga oshirdi. Jarima maydonchasida yuzaga kelgan pala partish vaziyatdan foydalanib Suhrob Berdiev hisobni ochdi... 17'. Tashabbus "Paxtakor" tomoniga o'tdi. "Sherlar"ning o'yini yomon emas. 24'. GOOOOOOOOOOLLLLLLLL!!!!!!! 24. Temur Tolipov bir qarashda u qadar xavfli ko'rinmagan jarima zarbasini to'g'ri darvoza tomon yo'lladi. Bunday zarbani hech kim, shu jumladan darvozabon ham kutmagan ekan. Ajoyib gol. Qo'shimchasiga Tolipovdan salto ham ko'rdik. 28'. Igor Sergeevga nisbatan o'yin qoidasi buzildi. 31'. "Al Jazira"ning hujumlari o'xshamayapti. "Paxtakor esa qarshi hujumga o'tib ketishda u qadar aniq o'ynay olmayapti. 35'. Kenvayn Jons Ribkinga nisbatan qo'pol o'ynadi. Darvozabonga tibbiy yordam ko'rsatilmoqda. 36'. Haytovur Ribkinga yordam ko'rsatilgach u o'rnidan turdi. 41'. Said al Obaydi Davron Hoshimovga nisbatan qo'pollik ishlatgani uchun ogohlantirildi. Bu ogohlantirish ikkinchisi bo'lgani uchun esa - chetlatildi... 45'. Birinchi bo'limga 2 daqiqa qo'shib berildi.. 45+2'. O'yin tugadi. 46'. Ikkinchi bo'lim boshlandi. 47'. Igor Sergeev qulay vaziyatga chiqib bordi, ammo bo'sh qolgan darvozaga aniq zarba bera olmadi. Hujumchining chap oyoqda bergan noaniq zarbasi tufayli o'ta qulay imkoniyat yo'qqa chiqdi. 51'. Tashabbus to'laligicha "Paxtakor" tomonida. 54'. Guruhdagi narigi o'yinda "Traktorsozi" "Al Hilol" darvozasiga gol urdi va hisobni tenglashtirdi. O'yin shu turishda yakunlansa, "Paxtakor" nimchorak finalda! 58'. Temur Tolipovning navbatdagi jarimadan bergan zarbasi yana xavfli chiqdi. Afsuski biroz noaniq. 64'. Davron Hoshimov uzoqdan yo'llagan zarba chiroyli, kuchli, ammo biroz noaniq. 67'. "Al Jazira" darvozasi oldidan ketma ket burchak to'plari. Biroq samarasiz. 74'. Temur Tolipovning uzoqdan yo'llagan zarbasini darvozabon bartaraf etdi. 81'. GOOOOOOOOOLLLLLLL!!!!! 81'. Jaloliddin Masharipov "Al Jazira"ning butun himoyasini dog'da qoldirib, darvozabon bilan yakkama yakka vaziyatga chiqib bordi va Messi uslubida to'pni darvozabon ustidan tashlab hisobni oshirdi, 3:0. 84'. "Paxtakor" yutyapti, ammo u yoqda "Traktorsozi" yutqazyapti. Chiqarmikan "Paxtakor" guruhdan, shudir masala... 90'. Oybek Qilichev maydondan chetlatildi. 90'. O'yinga uch daqiqa qo'shib berildi. 90+3'. O'yin tugadi. "Paxtakor" yirik hisobda g'alabaga erishdi.
— deya xabar beradi uff.uz nashri.