Madridning "Real" klubi bosh murabbiyi Rafael Benites yarim himoyachi Garet Beylning jarohati borasida fikr bildirdi.
"U Uels uchun juda katta ahamiyat kasb etadi. Albatta biz Beyl va Uels terma jamoasi murabbiylar shtabi bilan aloqada bo'lib turibmiz.
"Levante"ga qarshi kechgan bahsda uni tanaffusda almashtirgan edim. O'shanda u o'ynashni istagandi, biroq men Beyl charchaganini ko'rib turgandim. Bunday vaqtda jarohat olish xavfi oshib ketadi.
Garet o'ynashni istagandi, ammo biz unga dam bergandik. Hozir esa uning holatini o'rganib chiqish juda muhim. Bir-ikki kun ichida Beyl qanday holatda ekanini bilib olamiz. Bunday saviyadagi futbolchining jarohat olishi biz uchun qattiq zarba. Ammo jamoa usiz ham yaxshi o'ynadi", - deydi murabbiy.
— deya xabar beradi uff.uz nashri.