Osiyo chempionlar ligasi “D” guruhi 6-turida “Al-Ayn” o'z maydonida Qarshining “Nasaf” futbolchilarini qabul qildi. Unda 2:0 hisobi qayd etilib, amirlik futbolchilar foydasiga hal bo'ldi. Uchrashuvning 39 daqiqasida Danilo Asprilla hisobni ochdi. Ikkinchi bo'limda “Al-Ayn” qarshiliklarga nisbatan ancha faol va ishonchli o'ynadi. 90 daqiqada burchakdan uzatib berilgan to'pni Ismoil Ahmad golga aylantirdi. “Nasaf” esa uchrashuv davomida raqib darvozasiga deyarli zarba yo'llamadi. Shu tariqa, uchrashuv “Al-Ayn”ning 2:0 hisobidagi g'alabasi bilan yakunlandi va amirliklar pley-off bosqichiga yo'llanma oldi. Avvalroq, “Paxtakor” o'z maydonida “Al-Jazira”ni 3:0 hisobida mag'lubiyatga uchratganiga qaramay, guruhda qolib ketgandi. OChL–2016. “D” guruhi, 6-tur “Ay-Ayn” (BAA) – “Nasaf” (O'zbekiston) 2:0
Gollar: Asprilla (39), Ahmad (90).
Ogohlantirishlar: Rahmatov (53), Muhiddinov (82)
“Al-Ayn”: Isa, Ahmad, Bastos, Duglas, Umar Abdulrahmon, Muhammad Abdulraxmon (Diaki, 79), Salim, Ahmed, Myung-Su, Fayoz, Asprilla (Favzi, 90).
“Nasaf”: Suyunov, Karimov, Mamakazin, Muhammadiev, Rahmatullaev, Abdurahimov, Boydullaev (Narzullaev, 80), Allaniyozov, A'zamov (Rashidxonov, 35), Rahmatov (Muhiddinov, 68), Abduxoliqov.
— deya xabar beradi uff.uz nashri.