“Lahviya” – “Bunyodkor” uchrashuvi oldidan tashkil etilgan matbuot anjumanining birinchi qismida “Bunyodkor” vakillari qatnashishdi. - Qatarda bo'lib turganimizdan xursandman. Ertaga biz OChL musobaqasining bu yilgi hisobidan oxirgi o'yinimizni o'tkazamiz. Hozirda “Bunyodkor” bor e'tiborini ichki musobaqalarga qaratgan. “Lahviya” esa keyingi bosqich masalasini hal qilib bo'lgan klub. Shu bois ertaga qiziq va ochiq o'yin bo'ladi, deb o'ylayman. Tarkibimizdagi aksariyat futbolchilar ikki yil oldin yoshlar, o'tgan yili olimpiya, bu mavsumdan milliy terma jamoada o'ynashmoqda. O'ylaymanki, biz to'g'ri va istiqbolli yo'ldamiz. Futbol maktabimizning ishi yaxshi olib borilmoqda. Buni OFK ham 2015 yil yakunlariga ko'ra e'tirof etdi. Biz bu ish hajmini yanada kuchaytirishni va yangi nomlarni kashf etishdan aslo chekinmaymiz”, - deydi Sergey Lushchan. - Guruhdagi oxirgi o'yin bo'lsa ham g'alaba uchun maydonga tushamiz. Hamma yigitlar bahsga tayyor. Hech bo'lmasa guruhning so'nggi o'yinida g'alaba qozonishga harakat qilamiz, - deydi Otabek Shukurov.
— deya xabar beradi uff.uz nashri.