Osiyo Chempionlar ligasi musobaqasining guruh bosqich 6-tur uchrashuvlari bugun ham davom ettiriladi. Qolgan to'rtta guruhda jamoalar o'zlarining so'nggi raqiblariga qarshi maydonga chiqishadi.
Afsuski, O'zbekiston nomidan ishtirok etayotgan to'rtta klublarimizdan uchtasi musobaqa bilan xayralashishga majbur bo'ldi. "Bunyodkor" ortidan "Paxtakor" va "Nasaf" jamoalari ham kecha pley-offga chiqish vazifasini bajara olishmadi. To'g'ri, "Paxtakor" g'alaba qozondi, ammo avvalgi o'yinlarda yo'qotilgan ochkolar yakunda qimmatga tushdi.
Yagona umidimiz bugun o'ynaydigan "Lokomotiv" klubiga qaratilgan. Ajab emas, bugun "temiryo'lchilar" to'rttala jamoamiz uchun ham yaxshi o'yin namoyish etib, nimchorak finalga yo'llanmani olsa. Zero, kelasi yildan boshlab OFKda ayrim mamlakatlar klublari uchun kvotalar soni o'zgaradi. Endi bu yilgidek to'rtta OChL yo'llanmasiga ega bo'lmasligimiz mumkin.
Eslatib o'tamiz, Toshkentdagi uchrashuv soat 20.00da boshlanadi. Barcha yurtdoshlarimizni "Lokomotiv"ni qo'llab-quvvatlash uchun stadionga chorlab qolamiz. Bundan tashqari, bugun "Bunyodkor" jamoasi ham Qatarda "Lahviya" mehmoni bo'ladi. Uning natijasi hech qanday ahamiyatga ega emas. Shunday bo'lsada, "qaldirg'ochlar"ga omad tilab qolamiz.
— deya xabar beradi uff.uz nashri.