Dortmundning «Borussiya» klubi himoyachisi Mats Xummels jamoadan ketishi haqidagi vaziyatga to'xtalib o'tdi. 27 yoshli futbolchi muxlislar bilan ko'rishdi va dastxat tarqatarkan, klub tomonidan bu borada berilgan rasmiy bayonotdan noroziligini bildirdi. Eslatib o'tamiz, «Borussiya» klubi tomonidan Xummelsning «Bavariya»ga o'tish istagi borligi rasman ma'lum qilingan edi.
- Kelajakda hamma narsa bo'lishi mumkin. Hozircha hech narsa aniq emas. Ammo o'sha bema'ni bayonot tufayli men haqimda yolg'on tasavvur paydo bo'lib qoldi.
Bu ish nima uchun kerak bo'lganini tushunmayman, - deydi futbolchi.
— deya xabar beradi uff.uz nashri.