"So'g'diyona" - "Nasaf" (1:2) uchrashuvi yakunlanganidan so'ng tashkil etilgan matbuot anjumanining birinchi qismida "Nasaf" bosh murabbiyi Ro'ziqul Berdiev ishtirok etdi.
 
- "So'g'diyona" bizni qoyil qoldirdi. Bizga qarshi jizzaxliklar teng o'yin ko'rsatishdi. Ular vaziyatni o'z tomonlariga og'dirib olishlari ham mumkin edi. Bugun asosan o'yin amaliyotisiz qolib ketayotgan futbolchilarga imkoniyat bergandik. Ularga o'yin amaliyoti kamligi sezilib qoldi. Shunga qaramay biz qiyin va juda kerakli g'alabani qo'lga kiritdik. Uchrashuv so'nggida hal qiluvchi nuqtani qo'ya oldik va navbatdagi uch ochkoga ega chiqdik. Chempionlik uchun nazariy jihatdan imkoniyat mavjud va biz oxirigacha kurashamiz.

— deya xabar beradi uff.uz nashri.