Madridning "Real" klubi bosh murabbiyi Zinedin Zidan Chempionlar ligasi yarim finalida "Manchester Siti" ustidan qozonilgan g'alaba haqida fikrlarini bildirib o'tdi.
"Bugun biz uchun juda muhim o'yin bo'lib o'tdi. Men juda baxtiyorman, ammo o'zimdan ham ko'ra futbolchilarim uchun ko'proq baxtiyorman. Ular finalga chiqqunga qadar behad ajoyib ishlarni amalga oshirdilar.
Men bu futbolchilarga boshchilik qilishdan juda mamnunman. Ularning har biri men uchun muhim ahamiyatga ega. Biz ishlashda davom etishimiz va shunchaki buyuk ishlarni amalga oshira olishimizga ishonishimiz kerak.
Ha, men ham murabbiyman va umumiy ishga o'z hissamni qo'shganim aniq. Ammo bu g'alaba butun jamoaning evaziga qo'lga kiritildi. Futbolchilar har doim birinchi o'rinda turadilar. Chunki aynan ular menga futboldan lazzat olish imkonini bermoqdalar", - deydi murabbiy.
— deya xabar beradi uff.uz nashri.